Атырау облысында көлік қаққан 11 жасар жасөспірім көз жұмды
Бұл деректі облыстық Полиция департаментінің баспасөз қызметі растады. Оқиға бүгін, 20 қазанда таңертеңгі сағат 07:45 шамасында болған.
«Жылыой ауданының орталығы – Құлсары қаласында Toyota Prado көлігі жасөспірімді қағып кетті. Жасөспірім оқиға орнында көз жұмды. Көлікті 1949 жылғы туған ер адам басқарғаны анықталды», - деп хабарлады департаменттің баспасөз қызметінен.
Қазір аталған дерекке байланысты ҚР Қылмыстық кодексінің 345-бабы 3-бөлігімен сотқа дейінгі тергеу басталды. Өзге ақпарат ҚР Қылмыстық-поцестік кодексінің 201-бабына сәйкес жариялауға жатпайды.
Облыстық Полиция департаменті жергілікті полиция қызметі басқармасының бастығы Ерлан Биғамбаевтің мәліметіне сүйенсек, жыл басынан балаларға қатысты 24 жол-көлік оқиғасы тіркелген. Салдарынан 53 бала жарақат алған. Екі бала мерт болған. Өткен жылмен салыстырғанда жол апаттары салдарынан көз жұмған балалар саны 57,1% төмендеген.
Еске салайық, бұған дейін Атырауда көлік қаққан 16 жастағы жасөспірім ауруханаға жеткізілгенін жазған едік.
Видеодан алынған кадр