Атырауда учаскелік полиция инспекторы 200 мың теңге парамен ұсталды

АТЫРАУ. ҚазАқпарат - Атырауда облыстық ІІД учаскелік полиция инспекторы тура пара алып жатқан кезінде қолға түсті. Оны ІІД ішкі қауіпсіздік басқармасы мен Мемлекеттік қызмет және сыбайлас жемқорлыққа қарсы іс-қимыл департаментінің қызметкерлері ұстады.

«Учаскелік полиция инспекторы ақшаны заңбұзушылыққа байланысты өзіне әкімшілік қадағалау жасамауды өтінген Ақтау тұрғынынан алған. Пара алу оқиғасы бойынша ҚР ҚК 366 бабына сәйкес (Пара алу) қылмыстық іс қозғалды. Тергеу жүріп жатыр»,-деп хабарлады Атырау облысы ІІД баспасөз қызметі.