Ауа райына байланысты Батыс Қазақстанда үш автожол жабылды

АСТАНА. KAZINFORM – ҚазАвтоЖол көлік қозғалысын шектеуге қатысты хабарлама жариялады.

Келесі республикалық автожолдарда жүк және қоғамдық көліктердің қозғалысына шектеу қойылды:

Батыс Қазақстан облысы:

- Ақтөбе-Орал-РФ шекарасы автожолының 273-392 шақырым аралығындағы учаскесі (Барбастау ауылы - Жымпиты ауылы);

- Орал-Тасқала-РФ шекарасы автожолының 4-104 шақырым аралығындағы учаскесі (Орал қаласы - РФ шекарасы);

- Атырау-Орал автожолының 372-492 шақырым аралығындағы учаскесі (Ақжайық ауылы - Орал қаласы).

Жолды 2025 жылғы 11 қаңтар сағат 06:00-де ашу жоспарланған.

Жетісу облысындағы Сарыөзек – Көктал жолында көлік қозғалысына шектеу қойылғанын жазған болатынбыз.