«Барыстың» Құрлықтық хоккей лигасындағы алғашқы ойынын қай телеарнадан көруге болады
НҰР-СҰЛТАН. ҚазАқпарат - Елордалық «Барыс» командасының Құрлықтық хоккей лигасындағы алғашқы ойыны қай телеарнадан көрсетілетіні белгілі болды, деп хабарлайды ҚазАқпарат тілшісі.
Елордалық команда Құрлықтық хоккей лигасындағы алғашқы ойынын ертең, 3 қыркүйекте Беларусьте «Динамо» (Минск) клубына қарсы өткізеді.
Аталған ойын елорда уақытымен 19:20-де басталып, «Qazsport» телеарнасынан тікелей эфирде көрсетіледі.
«Барыс» бұдан кейін қатарынан үш ойынды сырт айдында өткізеді. Алдымен 5 қыркүйекте СКА (Санкт-Петербург) командасымен кездессе, келесі кезекте 7 қыркүйекте «Витязь» (Подольск), 9 қыркүйекте «Сочи» командаларымен шеберлік байқасады.
Ал елордада 13 қыркүйекте «Трактор» (Челябинск) командасын қабылдайды.
Еске салсақ, бұдан бұрын «Барыс» шайбалы хоккейден Қазақстан Президенті кубогының иегері атанды.
