Беларусьте Лукашенконың инаугурациясы өтті

АСТАНА. KAZINFORM – Александр Лукашенко Беларусь президенті қызметіне ресми кірісті, деп хабарлады БЕЛТА. 

Cейсенбі күні Минскіде Лукашенконың ұлықтау рәсімі өтті. 

Беларусьтегі президент сайлауы 2025 жылдың 26 қаңтарында өтті. Орталық сайлау комиссиясы бекіткен дауыс беру қорытындысы бойынша қазіргі мемлекет басшысы Александр Лукашенко 86,82 пайыз дауыс жинап, президент болып қайта сайланды.

1994 жылдан бері Беларусьтегі ең жоғары мемлекеттік қызметті атқарып келе жатқан Лукашенко үшін бұл – оның жетінші президенттік мерзімі. 

Айта кетейік, бұған дейін Лукашенко Беларусьтегі президент сайлауында жеңіске жеткенін жазған едік.