Бизнес-форум: Қазақстан мен Тәжікстан арасында бірқатар салаға қатысты құжат бекітілді

АСТАНА. ҚазАқпарат – Бүгін елордада Қазақстан-Тәжікстан бизнес-форумы барысында бірқатар салаға қатысты құжаттарға қол қойылды, деп хабарлайды ҚазАқпарат тілшісі.

Бекітілген келісімшарттардың жалпы сомасы 2 млрд АҚШ долларына жуық қаражатты құрап отыр.

Бизнес-форум барысында мына құжаттарға қол қойылды:

- «Altai EXPORT» ЖШС мен «Анко Инвест» компаниясы арасында күнбағыс тұқымын жеткізу;

- «Новая АЗС» ЖШС мен «ТАЛКО» тобы мұнай коксын жеткізу;

- «EXPORTER» ЖШС мен «Хубчамъ Инвест» компаниясы соя жеткізу;

- «K-Oil» ЖШС мен «Анко Инвест» күбағыс майын, тұқымын жеткізу;

- «Sinegor trade» ЖШС мен «Авеста Групп» компаниясы арасында астық өнімдерін сатып алу саласындағы меморандумға;

- Азық-түлік келісімшарт корпорациясы мен Тәжікстан Үкіметі жанындағы мемлекеттік материалдық резерві жөніндегі агенттік арасында 50 мың тонна бидай жеткізу;

- «Арселлор Митал» АҚ мен «Норд Азия Металл» компаниясы ынтымақтастық туралы келісімге;

- «Шынғар Транс» ЖШС мен «ТАЛКО» тобы глинозем және мұнай коксы бойынша жүк тасымалдау қызметтерін көрсету;

- KASE мен Орталық Азия қор биржасы арасында ынтымақтастық туралы меморандумға;

- Qaz Textile Indusrty мен «Кулоб» экономикалық аймағы ынтымақтастық туралы меморандумға;

- «Batееrfly effect» ЖШС мен «Авеста Групп» компаниясы IT саладағы ынтымақтастық туралы меморандумға;

- «Talas Investment Company» ЖШС мен «Апрелевка» компаниясы натрий цианидін жеткізу;

- Synergy CH мен «Мавсим и К» ынтымақтастық туралы меморандумға;

- «Қазцинк» ЖШС мен Тәжікстан-Қытай тау-кен өнеркәсіптік компаниясы ынтымақтастық туралы меморандумға.

Айта кетейік, бүгін түске дейін екі ел бизнесінің өкілдері бірқатар құжатты бекіткен болатын.

Тәжікстан премьер-министрінің орынбасары Сулаймон Зиёзода Қазақстанмен арада тығыз қарым-қатынасқа қатысты пікір білдірді.

Бұл тұрғыда ол Тәжікстан Қазақстанмен достық қарым-қатынасты жоғары бағалап отырғанын айтты.