Бокстан АЧ: Жазира Орақбаева бірінші раундта қарсыласын нокаутқа жіберді

АСТАНА. KAZINFORM – Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында Жазира Орақбаева жартылай финалға шықты.

Қазақстандық боксшы ¼ финалда тайбэйлік Ютин Луомен күш сынасты.

Жазира бірінші раундта-ақ қарсыласын екі рет нокдаунға жіберді. Бұдан кейін рефери жекпе-жекті тоқтатты. 

Осылайша, жартылай финалға жолдама алған Ж.Орақбаева жүлдегерлер қатарына қосылды.

Ол кемінде қола медаль алады. 

Еске сала кетейік, бұдан бұрын бокстан Азия чемпионатында бейсенбі күні Қазақстан намысын 6 спортшы қорғайтынын жазған болатынбыз.

Сондай-ақ Азия чемпионатында Оразбек Асылқұлов шаршы алаң иесін қапы қалдырды.

Ерасыл Жақпеков жартылай финалға өтті.