Бокстан Азия чемпионатында Сағындық Тоғамбай өзбекстандықты нокдаунмен жеңді

АСТАНА. KAZINFORM - Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында Сағындық Тоғамбай жартылай финалға шықты.

бокс
Фото: әлеуметтік желіден

С.Тоғамбай 92 келіге дейінгі салмақта өзбекстандық қандасымыз, 2021 жылғы әлем чемпионатының қола жүлдегері Мадияр Саидрахимовпен кездесті.

Жекпе-жек Сағындықтың айқын басымдылығымен өтті. Тіпті ол екінші раундта қарсыласын нокдаунға жіберді.

Осылайша, бүгін рингке шыққан бес қазақстандық боксшының үшеуі жартылай финалға жолдама алды.

Еске сала кетейік, бұдан бұрын бокстан Азия чемпионатында Махмұд Сабырханның қарсыласын екінші рет нокаутпен жеңгенін жазған болатынбыз.

Сондай-ақ, қазақстандық тағы бір боксшы Азия чемпионатында Мұхамедсабыр Базарбайұлы ширек финалдық жекпе-жегінде қарсыласынан жеңіліп қалды.

 

Соңғы жаңалықтар