Бірнеше облыста жол жабылды

АСТАНА.KAZINFORM – ҚазАвтоЖол бірнеше облыста көлік қозғалысына шектеу қойылғанын хабарлады.

Бүгін, 10 наурыз сағат 10:30-да ауа райының бұзылуына байланысты келесі республикалық маңызы бар автожолдарда барлық көлік түрі үшін қозғалысқа уақытша шектеу енгізілді:

Қарағанды облысы:

- «Қызылорда — Жезқазған — Қарағанды — Шідерті» автожолының 970-1135 шақырым аралығы (Қарағанды қаласы — Павлодар облысының шекарасы).

Павлодар облысы:

- «Қызылорда — Жезқазған — Қарағанды — Шідерті» автожолының 1135-1206 шақырым аралығы (Қарағанды облысының шекарасы — Шідерті кенті).

Сонымен қатар бүгін, 10 наурыз сағат 10:00-де ауа райының бұзылуына байланысты келесі республикалық маңызы бар автожолдарда барлық көлік түрінің қозғалысына уақытша шектеу енгізілді:

Қарағанды облысы:

- «Қызылорда — Жезқазған — Қарағанды — Шідерті» автожолының 788-906 шақырым аралығы (Ұлытау облысының шекарасы — Топар кенті);

- «Астана — Қарағанды — Алматы» автожолының 184-197 шақырым аралығы (Теміртау қаласы — Қарағанды қаласы).

Ұлытау облысы:

- «Қызылорда — Жезқазған — Қарағанды — Шідерті» автожолының 788-756 шақырым аралығы (Қарағанды облысының шекарасы — Жаңаарқа кенті).

Жолды 2026 жылғы 11 наурыз сағат 08:00-де ашу жоспарланған.

1403 байланыс орталығына хабарласып, тәулік бойы қосымша ақпарат алуға болады.

Бұған дейін Ақмола облысында көлік қозғалысына шектеу қойылғанын жазған болатынбыз.