Бірнеше өңірде оқушылар қашықтан оқиды

АСТАНА. KAZINFORM – Ауа райының қолайсыздығына байланысты бүгін, 26 ​​қаңтарда Қазақстанның бірнеше аймағында оқушылар онлайн оқиды.

Батыс Қазақстан облысы

Орал қаласында бүгін, 26 қаңтарда ауа температурасы -25,2 градус аяз болуына байланысты 1 ауысымда 1-4 сыныптарда сабақ қашықтан оқыту форматына ауыстырылды.

Павлодар облысы

Павлодарда бірінші ауысымдағы 0-4 сынып оқушылары қашықтан оқытуға көшті.

Ақмола облысы

Көкшетауда бірінші ауысымдағы 1-4 сынып оқушылары да онлайн оқиды.

Айта кетейік, Қостанайда қолайсыз ауа райына байланысты оқушылар мен студенттер қашықтан оқыту форматына көшірілді.

Ауа райына байланысты Қазақстанның 15 өңіріне ескерту жасалды.