Бүгін елімізде ауа сапасы төмендейтін қалалардың саны күрт көбейді
АСТАНА. KAZINFORM – «Қазгидромет» РМК еліміздегі ауа сапасына қатысты болжамын жариялады.
– 22 қыркүйекте Павлодар, Орал, Ақтөбе, Талдықорған, Алматы қалаларында, сондай-ақ түнде Петропавл, Қостанай, Көкшетау, Өскемен, Семей, Риддер, Атырау, Астана қалаларында қолайсыз метеорологиялық жағдайлар күтіледі, – делінген хабарламада.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
Айта кетейік, экожүйелерді қалпына келтіру, парниктік газдардың сіңірілуін ұлғайту, көміртек бірліктерін қалыптастыру мақсатында еліміз 100 мың гектар жасанды орман құру жобасын бастайды.
Ал Атырауда ауа сапасының нашарлауына әсер ететін негізгі факторлар аталды. Бұдан бөлек, Өскемен қаласында ауаға тараған үш зиянды заттың мөлшері шекті деңгейден асып кеткені анықталды.
Сондай-ақ Атырауда ауа сапасының нашарлауына әсер ететін негізгі факторларды мына жерден оқи аласыз.
