Бүгін қай қалада ауа сапасы нашарлайды

АСТАНА. KAZINFORM – 22 шілдеде Қазақстанның бірнеше қаласында жайсыз меторологиялық жағдай қалыптасып, ауа ластанады, деп хабарлайды Kazinform «Қазгидромет» РМК-ға сілтеме жасап.

Синоптиктердің болжамынша, Ақтөбе, Алматы қалаларында, түнде Қостанай мен Астанада қолайсыз метеорологиялық жағдай күтіледі. 

Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жел, тұман, инверсия) жиынтығы.

Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.

Еске сала кетейік, бұған дейін «Қазгидромет» РМК синоптиктері республика бойынша 22, 23 және 24 шілдеге арналған ауа райы болжамын жариялады.