Дәрігерлер соққыға жығылған ақтөбелік кәсіпкердің жағдайын айтты
АҚТӨБЕ. ҚазАқпарат - Соққыға жығылып, есеңгіреп қалған кәсіпкер қазір ауруханада жатыр. Оның миы шайқалған, деп хабарлайды ҚазАқпарат тілшісі.
«Науқас бізге 25 қыркүйек күні келіп түсті. Оған бас-ми жарақаты, бас ми шайқалуы диагнозы қойылды. Алған жарақаты орташа ауыр. Қазір ем алып жатыр. Көзінен де соққы алған. Көз дәрігер өз кеңесін беріп, жарақаттың зардапсыз жазылатыны туралы айтты», - деді облыстық жедел жәрдем ауруханасының дәрігері Нұрсұлтан Айтмурзин.
Еске салсақ, осы оқиғаға қатысты Қылмыстық кодекстің «Бұзақылық» бабы бойынша тергеу жүріп жатыр. Күдікті екі мемлекеттік қызметкер жұмыстан шығып кеткен.
