АЛМАТЫ. KAZINFORM – Бүгін – қазақ тарихындағы ең ірі тұлғалардың бірі, мемлекет қайраткері Дінмұхамед Қонаевтың туған күні. Осы айтулы күні Қонаев қаласында әлеуметтік осал топтағы отбасыларға және кезекте тұрған азаматтарға 80 пәтердің кілті табыс етілді.
Бөлісу:
Фото: Қонаев әкімдігі
Алматы облысы орталығының тұрғындары Д.Қонаевтың ескерткішіне гүл шоқтарын қойды.
Фото: Қонаев әкімдігі
Сондай-ақ мәдениет үйінде мемлекет және қоғам қайраткерін еске алу кеші өтті.
Фото: Қонаев әкімдігі
Шараға қатысып, Д.Қонаевтың өр тұлғалы азамат болғаны жайында маңызды деректерге тоқталды.
– Бүгін біз үшін ерекше күн. Себебі, дәл осы күні, 1912 жылдың 12 қаңтарында қаламызға есімі берілген еліміздің даңқты перзенті, мемлекет және қоғам қайраткері Дінмұхамед Ахметұлы Қонаев дүние есігін ашты. Қонаев атамыз ел басқарған жылдары кең байтақ қазақ жерінде 68 жұмысшылар кенті мен 43 қала салынды. Ол Іле өзенінің бойына бөген салдырып, жаңа су электр стансасының бой көтеруіне, осы маңда жаңа Қапшағай қаласының іргетасы қалануына еңбек сіңірді, - деді қала әкімі Асхат Бердіханов.
Фото: Қонаев әкімдігі
Шара барысында әлеуметтік осал топтағы отбасыларға және кезекте тұрған азаматтарға 80 пәтердің кілті табыс етілді.
– Өзім көпбалалы анамын, 7 балам бар. Үй кезегінде тұрғаныма 17 жыл болды. Бүгін атамыздың туған күнінде жақсы жаңалық болып, үйге қолымыз жетті. Қуаныштымын, – деді үй иесі Назым Ахметова.
Фото: Қонаев әкімдігі
Айта кетейік, пәтерлер жекешелендіру құқығынсыз жалға берілді. Жалға алу құны - қолжетімді.
Былтыр Қонаевта 85 отбасыға пәтер кілті табысталған болатын.
Фото: Қонаев әкімдігі
Еске салсақ, ҚР Президенті Қасым-Жомарт Тоқаев 2022 жылы Қазақстан халқына Жолдауында Қапшағайға Қонаевтың есімін беру керек деп ұсыныс айтса, мен бұл пікірге қосыламын деген болатын.
Кейін Қапшағай қалалық мәслихаты тұрақты комиссиясының отырысы өтіп, қалаға Дінмұхамед Қонаев есімін беру ұсынысы бірауыздан мақұлданды.
Сол жылдың мамырында Қапшағай қаласына Қонаев аты ресми түрде берілді.
