Дубайда Mercedes-Benz компаниясының элиталы тұрғын үй кешені салынады

АСТАНА.KAZINFORM — Неміс автоөндірушісі Binghatti әзірлеушісімен бірлесіп, Дубайдағы Mercedes-Benz брендімен қала құру бойынша кешенді, 8,2 миллиард долларлық жоба әзірленіп жатыр. Бұл туралы Gulfnews сайты хабарлады. 

Жалпы ауданы 930 000 шаршы метр болатын Mercedes-Benz Places-Binghatti City тұрғын үй кешені Мейдан ауданында орналасады. Бірнеше мұнарадан тұратын кешен тұрғын үй және коммерциялық нысандарды, демалыс орындарын және қоғамдық кеңістіктерді қамтиды, олардың дизайны Mercedes-Benz компаниясының «Сезімтал тазалық» философиясына негізделеді.

Mercedes-Benz және Binghatti жобасы — өзіндік инфрақұрылымы бар «қала ішіндегі қала»: сауда бульварлары, мәдени аймақтар, демалыс орындары, саябақтар, көлік тораптары, денсаулық сақтау және спорт нысандары, мейрамханалар және ойын-сауық аймақтары болады. Мұның бәрі кешен тұрғындары үшін жаяу жететін қашықтықта орналасқан.

Жоба 2026 жылдың 14 қаңтарында іске қосылады деп жоспарланған.

Бұған дейін Дубайда автожолы бар алып сауда орталығы салынғанын хабарлаған едік.

Сондай-ақ Дубайда ұшқышсыз такси қатынай бастады.