Дзюдодан Хорватиядағы Гран-при турнирінде ел намысын кімдер қорғайды
АСТАНА. KAZINFORM — Халықаралық дзюдо федерациясы (IJF) Загребте (Хорватия) өтетін Гран-при кезеңіне қатысушылардың алдын ала тізімін жариялады.
Аталған байрақты бәсекеде ел намысын 19 дзюдошы қорғайды.
Ерлер
60 келі: Аман Бақытжан, Нұраділ Әлжан;
66 келі: Нұрқанат Серікбаев, Бақытжан Әбдірахманов;
73 келі: Данияр Шамшаев;
90 келі: Ермахан Әнуарбеков, Нұржан Бисенов;
100 келіден жоғары: Ерасыл Қажыбаев, Жантілек Нұртілепұлы.
Әйелдер
48 келі: Әбиба Әбужақынова, Ғалия Тынбаева;
52 келі: Меруерт Сәрсенова, Аружан Ережепова;
57 келі: Дана Әбдірова;
63 келі: Эсмигүл Куюлова;
70 келі: Ажар Асхат;
78 келі: Екатерина Токарева;
78 келіден жоғары: Аида Тойшыбекова, Камила Берліқаш.
Айта кетейік, тізімге өзгерістер енгізілуі мүмкін. Гран-при кезеңі 13-15 қараша аралығында өтеді.
Еске салайық, бұған дейін Қазақстан балуандары күрестен әлем чемпионатын бес медальмен қорытындылағанын хабарлаған едік.
