Екатерина Смолякова Мәжіліс депутаты ретінде ант берді

АСТАНА. KAZINFORM –   Бүгін Мәжілістің жалпы отырысында Екатерина Смолякова депутат ретінде ант берді.

ҚР Парламенті Мәжілісі депутатының бос мандаты «Respublica» партиясы» қоғамдық бірлестігінің мүшесі Е.Смоляковаға берілді.

- Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарына қатаң бағынуға, депутаттың өзіме жүктелген мәртебелі міндеттерін адал атқаруға ант беремін, - деді Е.Смолякова.

Сонымен қатар ол Мәжілістің Әлеуметтік-мәдени даму комитетінің құрамына сайланды.

Еске салсақ, бүгін Парламент Мәжілісінің жалпы отырысында Руслан Берденовтің депутаттық өкілеттігі тоқтатылды.