Елдос Сметов Абу-Дабиде өтетін Grand Slam турниріне қатыспақ
АСТАНА. KAZINFORM — Халықаралық дзюдо федерациясы (IJF) Абу-Дабиде (БАӘ) өтетін «Үлкен дулыға» турниріне қатысатын спортшылардың алдын ала тізімін жариялады.
Тізімге Қазақстан құрамасынан жеті ер спортшы кірді.
60 келіге дейін: Елдос Сметов, Талғат Орынбасар;
66 келіге дейін: Ғұсман Қырғызбаев, Ақылжан Жұбатқанов;
81 келіге дейін: Жалғас Қайролла;
90 келіге дейін: Айдар Арапов;
100 келіге дейін: Марат Байқамуров.
Айта кетейік, тізімге өзгерістер енгізілуі мүмкін. Grand Slam турнирі 29-31 қазан аралығында өтеді.
Еске салайық, бұған дейін дзюдошы Абылайхан Жұбаназар әлем чемпионатын бесінші орынмен аяқтағанын жазған едік.
