Елена Рыбакинаның жұптық сында Мадридтегі қарсыласы анықталды
АСТАНА. ҚазАқпарат – Қазақстанның бірінші, әлемнің 7-ракеткасы Елена Рыбакинаның жұптық сында Мадрид ATP 1000 турниріндегі қарсыласы анықталды, деп хабарлайды ҚазАқпарат тілшісі.
Е.Рыбакина ресейлік Анастасия Павлюченковамен бірге екінші айналымда украиналық Марта Костюк – румыниялық Елена Габриэла Руземен шеберлік байқасады.
М.Костюк – Е.Рузе бастапқы кездесуін тағы бір қазақстандық Анна Данилина – мажарстандық Тимея Бабошпен өткізді.
Бұл матчта бірінші партияда украиналық-румыниялық жұп басым түсті – 6:4.
Екінші сетте А.Данилина – Т.Бабош дәл сондай есеппен есе қайырды – 6:4.
Супер тай-брейкте М.Костюк – Е.Рузе жеңісті жұлып алды – 12:10.
Осылайша, Мадрид мастерс жарысында Қазақстаннан Е.Рыбакинадан басқа ешкім қалған жоқ.
Еске сала кетейік, бұдан бұрын Елена Рыбакинаның Мадрид мастерс турнирінің үшінші айналымына шыға алмағанын жазған болатынбыз.
Сондай-ақ Сергей Квак әлем чемпионатына жолдама алу үшін барын салатынын айтты.
Қазақстандық теннисші Римдегі турнирдің финалына шықты.
Александр Бублик Мадридте әлемнің жетінші ракеткасына есе жіберді.
