Еліміздің екі өңірінде көлік қозғалысы қайта ашылды

АСТАНА. KAZINFORM – Бүгін республикалық маңызы бар екі автожол қайта ашылды, деп хабарлайды ҚазАвтоЖол.

Атап айтқанда, Ақмола облысы бойынша «Астана — Шідерті — Павлодар — Успенка — РФ шекарасы» автожолының 16-200 шақырым аралығындағы учаскесінде (Астана қаласы-Павлодар облысы шекарасы) көлікпен жүруге рұқсат.

Сондай-ақ Павлодар облысы бойынша «Астана — Шідерті — Павлодар — Успенка — РФ шекарасы» автожолының 200-254 шақырым аралығындағы учаскесінде (Ақмола облысы шекарасы-Шідерті ауылы) жол ашылды.

Еліміздегі жол қозғалысына байланысты ақпараттарды тәулік бойы 1403 байланыс орталығына хабарласып білуге болады. 

Айта кетейік, кеше түнде Павлодар облысында көлік қозғалысы қайта ашылды.