Елорда емханалары екі есе жүктемемен жұмыс істеп жатыр - И. Тасмағамбетов есебі

АСТАНА. 21 ақпан. ҚазАқпарат - Бүгін Астана әкімі Иманғали Тасмағамбетов халықпен есепті кездесуі барысында елордалық емханалар екі есе жүктемемен жұмыс істеп жатқанын хабарлады.

Қазіргі кезде емханалық буынды кеңейту мәселесі өткір тұрғанына тоқталған әкім, «бүгінде астаналық 9 емхананың жиынтық қуаты 300 мың тұрғынға қызмет көрсетуге есептелген. Ал бүгінде тіркелмеген азаматтарды есептемегенде Астанада 800 мыңнан астам адам тұрып жатыр. Нәтижесінде, қаланың барлық емханалары екі еселік жүктемемен жұмыс істеуде», - деп түсіндірді қала әкімі.

Белгілі болғандай, елордада салынып жатқан жеті нысанның үшеуі емханалық мекеме болып табылады. Екеуінің құрылыс-монтаждау жұмыстары аяқталған, ал қалған 5 нысанда құрылыс жұмыстары жалғасуда.