14:40, 21 Ақпан 2013 | GMT +5
Елордада жолаушылар көлігінің жаңа түрі енгізілмек
АСТАНА. 21 ақпан. ҚазАқпарат - Астанада жеңіл рельсті трамвайлармен қатар қоғамдық көліктің жаңа түрі пайда болады. Бұл туралы бүгін Астана әкімі Иманғали Тасмағамбетов халықпен есепті кездесуі барысында мәлім етті.

Оның сөзінше, жалпы алғанда жеңіл рельсті трамвайлармен қатар жаңа жүйе енгізілмек, яғни арнайы бөлінген жолақтар бойынша жылдамдықты автобус байланыстары тасымалдаумен айналысады.
Қала әкімі бұл өз кезегінде жолаушылардың елеулі көлемін тасымалдауға және көлік қозғалысын ұйымдастыруды жақсартуға мүмкіндік беретінін атап өтті. Жолдың арақашықтығы 48 шақырымға созылмақ.