Ертіс ормандарында жаңа құс түрлері анықталды
ПАВЛОДАР. KAZINFORM — Резерваттың ғылыми қызметкерлері қазіргі уақытта қауырсын қанаттылардың жаңа түрлерін зерттеумен шұғылданады.

«Ертіс орманы» резерватына жыл құстары оралып жатыр. Мекеме мамандары кезекті дала жұмыстары кезінде бірнеше құс түрін, атап айтқанда ала қарға, қара кезқұйрық және от үйрек сияқты құстардың келу сәтін анықтаған.



— Жалпы, резерват аумағында құстардың 50 түрі мекендейді, оның ішінде 4 түрі Қазақстанның Қызыл кітабына енгізілген. Ең қызығы, ғылыми зерттеулер барысында бұрын бұл аймақта тіркелмеген жаңа құс түрлері анықталды. Қазіргі уақытта оларды зерттеу жұмыстары жүргізіліп жатыр. Бұл резерваттың биологиялық әртүрлілігі жоғары екенін және құстар үшін маңызды мекен екенін тағы бір мәрте дәлелдейді, - деп хабарлады мекеменің ғылым, ақпарат және мониторинг бөлімінен.


Еске сала кетейік, «Ертіс орманы» резерватында ағаш ұрлығы 97 пайызға азайған.
Ал Орман шаруашылығы және жануарлар дүниесі комитеті «Ертіс орманында» 2029 жылға дейін ағаш кесуге тыйым салды.