Есірткі саудалаушылар тергеумен ынтымақтастықта болса да жауапкершіліктен босатылмайды
Ішкі істер министрлігі тергеу органдарымен белсенді ынтымақтастықта болған есірткі саудалаушларды жауапкершілікті босату бастамасынан бас тартты, деп хабарлайды Kazinform.
«Есірткі саудалағаны үшін тұлғаларды қылмыстық жауапкершіліктен босатуға қатысты мынаны хабарлаймыз. Қазіргі уақытта қылмыстық заңнамаға мұндай өзгерістер енгізу асығыстық екендігі туралы шешім қабылданды», - делінген агенттіктің ресми сауалына министрлік берген жауапта.
Естеріңізге сала кетсек, өткен жылдың желтоқсанында Мәжілісте өткен есірткі қылмысына қарсы іс-қимыл тақырыбындағы Үкімет сағатында Ішкі істер министрі Ержан Саденов есірткі өткізіп, бірінші рет қолға түскен және тергеуге жан-жақты көмек көрсеткен күдіктінің жауапкершіліктен босатылуы мүмкін екендігін айтқан болатын.
«Егер қылмыс бірінші рет жасалса, сондай-ақ кінәлі адам тергеу органдарымен белсенді ынтымақтастықта болса, есірткі өткізушілерді жауапкершіліктен босату мүмкіндігі қарастырылады. Мүмкіндікті пайдалана отырып, Мәжіліс депутаттарын осы түзетулерді заң жобасы аясында қарастыруды сұраймын», - деген деді ведомство басшысы.
