23:29, 18 Наурыз 2025 | GMT +5
Жазушы-этнограф Болат Бопайұлы өмірден өтті
АЛМАТЫ. KAZINFORM – Қазақстан Жазушылар одағының мүшесі, этнограф-ғалым, тарихшы Болат Бопайұлы өмірден өтті.

Бұл туралы әлеуметтік желіде белгілі журналист Біләл Қуаныш хабарлады.
Болат Бопайұлы 1960 жылы 1 қаңтар күні ҚХР Шыңжаң өлкесі, Алтай аймағында дүниеге келген. Әр жылдары Қазақ радиосында, Қазақстан телеарнасында редактор, сценарист қызметін атқарған. Қазақ этнографиясы тақырыбында 30-дан астам кітап жазған. ҚР «Мəдениет үздігі» төс белгісінің иегері, Қазақстан Республикасының құрметті азаматы.
Осыған дейін Болат Бопайұлының Kazinform тілшісімен болған қазақтың төл жаңа жылы, салт-дәстүрі, ырым-тыйымдары туралы сұхбатын жариялаған едік.