Францияда екі Alpha Jet әскери ұшағы соқтығысты
АСТАНА. KAZINFORM – Францияның шығысында «Патруль де Франс» (Patrouille de France) пилотаждық командасына тиесілі екі Alpha Jet ұшағы оқу-жаттығу ұшуы кезінде соқтығысты. Елдің қорғаныс министрі Себастьян Лекорню хабарлағандай, ұшқыштар катапульталанып үлгерді, деп жазды AFP.
Министр оқиғаның салдарын жою үшін Ішкі істер және Қорғаныс министрліктерімен бірлесіп әрекет етіп жатқан төтенше жағдайлар қызметі жұмылдырылғанын атап өтті.
— Ұшақтардың бірінде болған ұшқыштар да, үшінші жолаушы да сәтті катапульталанып, қауіпсіз жерде орналасқан, — деп жазды Лекорню Х әлеуметтік желісінде.
Оның атап өтуінше, оқиға айтарлықтай зардап әкелмеген және ұшқыштар жеңіл жарақат қана алған.
Deux Alpha Jet de la Patrouille de France sont "entrés a priori en collision" près de la base aérienne 113 de Saint-Dizier, a déclaré l'Armée de l'Air et de l'Espace à l'AFP, précisant que trois personnes ont été "retrouvées conscientes" #AFPVertical⤵️ pic.twitter.com/FdkbzdX5re
— Agence France-Presse (@afpfr) March 25, 2025
