Футболдан бірінші лигада «Елімай» «Қайрат-Жастармен» тең түсті

Футболдан бірінші лигада 27-тур ойындары аяқталды, деп хабарлайды Kazinform. 

Көш басында тұрған семейлік «Елімай» сырт алаңда «Қайрат-Жастар» командасымен кездесті.

Алғашқы кезеңде семейлік футболшылар алаң иелері қақпасына екі гол соғып үлгерді. Оған алматылық клуб екі голмен жауап берді. Кездесу 2:2 есебімен тең аяқталды.

Тағы бір ойында «Оңтүстік академиясы» өз алаңында «Хан тәңірі» клубына 1:4 есебімен жол берді.

Сондай-ақ 24 қазанда «Астана-2» «Түркістаннан» 2:5, «Жас Қыран» «Тұран» 1:2 есебімен жеңілсе, «Ақжайық» «Ақтөбе-2» командасын 3:1 есебімен тізе бүктірді.

Ал «Арыс» пен «Екібастұз», «Жеңіс» пен «Қыран» 1:1 есебімен тең түсті.

Енді 25 қазанда «Оңтүстік академиясы» мен «Хан тәңірі», «Қайрат-Жастар» мен «Елімай» командалары кездеседі.