Футболдан Қазақстан кубогының жеребесі тартылды
АСТАНА. KAZINFORM - Футболдан Қазақстан кубогының алғашқы екі іріктеу кезеңінің жеребесі тартылды.
Аталған турнирде барлығы 32 клуб күш сынасады. Олардың 19-ы бірінші іріктеу кезеңінде алты топқа бөлінеді. Одан кейін А-В, С-D, Е-F топтарының жеңімпаз атанған клубтары екінші кезеңге берілетін үш жолдаманы сарапқа салады.
14 команда
А тобы: «Оқжетпес», «Хан тәңірі», «Ертіс», AKAS.
B тобы: «Ақжайық», «Оңтүстік академиясы», «Алтай».
15 команда
С тобы: «Тараз», «Түркістан», «Екібастұз».
D тобы: «Каспий», «Жас-Кыран», «Арыс».
16 команда
E тобы: «Мақтарал», «SD Family», «Ұлытау».
F тобы: «Аксу», «Қыран», «Жетісай».
Алдын ала іріктеу кезеңі 1-19 наурыз аралығында өткізілсе, 21-23 наурызда алдын ала іріктеу кезеңі плей-офф сатысы болады.
Екінші кезеңде Премьер-лиганың 13 командасы мен алдын ала іріктеу кезеңінде үздік шыққан 3 ұжым өзара жұп құрайды.
1/8 финалдағы жұптар:
«Қайсар» - «Тобыл»
«Жеңіс» - «Астана»
«Атырау» - 16 команда
«Қайрат» - «Тұран»
15 команда - «Ордабасы»
«Ақтөбе» - «Жетісу»
«Елімай» - «Шахтер»
14 команда - «Қызылжар»
Қазақстан кубогының 1/8 финалы 13-14 сәуірде болса, 8 мамырда 1/4 финал болады.
Ал 1/2 финал 29 мамыр мен 19 маусымда өткізілсе, финал 29 қыркүйекке белгіленген.
Еске салсақ, бұдан бұрын футболдан Қазақстан Премьер-лигасының екінші туры мәресіне жетті.
