Галбадрах әлемдік рейтингте 6-орынға көтерілді

НҰР-СҰЛТАН. ҚазАқпарат - Қазақстандық Галбадрах Отгонцэгэг Халықаралық дзюдо федерациясы жариялаған рейтингте 6-орынға көтерілді, деп хабарлайды ҚазАқпарат тілшісі.

Қазақстан дзюдо федерациясы мәлім еткеніндей, Галбадрах осыған дейін 10-сатыда болған еді.

Загребтегі Гран-при турнирінде қазақстандық дзюдошы жеңімпаз атанып, 700 ұпайға ие болған еді. Бұл оған үздік алтылыққа енуге мүмкіндік берді.

Еске сала кетейік, бұдан бұрын Галбадрахтың Гран-при турнирінің жеңімпазы атанғанын, қазақстандық кадеттердің Азия чемпионатын 4 алтын медальмен қорытындылағанын жазған болатынбыз.