Ғалымдар Хантингтон ауруының дамуын 4 есе баяулатты

АСТАНА. KAZINFORM — АҚШ пен Еуропаның ғалымдары және дәрігерлері алғаш рет гендік терапияның көмегімен емделмейтін Хантингтон ауруының дамуын 4 есе бәсеңдетті, деп хабарлайды BBC.

Жаңа әдістің сынақтарын ұйымдастырған uniQure компаниясы АҚШ пен Еуропада 2022 жылы ота жасалып, кейін үш жыл бойы бақылауда болған ерікті пациенттерде Хантингтон сырқатының даму қарқыны 75%-ке баяулағанын мәлімдеді.

Хантингтон ауруының алғашқы белгілері әдетте 30 жастан кейін пайда болады. Науқас бұл сырқатпен 20 жылдан артық өмір сүрмейді.

— Әлсіреудің бір кезеңі, әдетте бір жылға созылады. Емделгеннен кейін 4 жыл қажет. Бұл пациенттерге ондаған жыл өмір сыйлайды. Біз ешқашан клиникалық прогрессті 75% бәсеңдетуді армандамаған едік, — деді экспериментке қатысушы, клиникалық неврология профессоры және Лондон университеттік колледжінің Хантингтон ауруы орталығының директоры Сара Табризи.

Айта кетейік, Қарағандылық ғалымдар ерекше биоимпланттар әзірлеп жатыр.