Грузия парламенті 49 депутаттың өкілеттігін мерзімінен бұрын тоқтатты

АСТАНА. KAZINFORM — Шешім дауыс беру қорытындысы бойынша қабылданды, деп хабарлайды Kazinform меншікті тілшісі.

Үш оппозициялық бірлестіктің өкілдері 2024 жылдың қараша және желтоқсан айларында өздерінің депутаттық өкілеттіктерін мерзімінен бұрын тоқтату туралы өтініш жазды. Олардың арасында «Бірыңғай ұлттық қозғалыс», «Өзгерістер коалициясы» және «Мықты Грузия» бар.

Олар билік сайлауды бұрмалады деп тұжырымдап отыр. Оппозиция 11-ші сайланған Парламентті заңсыз деп жариялады, сонымен қатар заң шығарушы органда жұмыс істеуден бас тарта отырып, жаңа сайлау өткізуді талап етті.

2024 жылғы 26 қазандағы сайлау қорытындысы бойынша Орталық сайлау комиссиясының қорытынды хаттамасына сәйкес, «Мықты Грузия» 14 мандат алды, «өзгерістер үшін Коалиция» 19 орынға ие болды, ал «Бірлік — ұлттық қозғалыс» 16 мандат жеңіп алды.

Джордж Гахария бастаған «Грузия үшін» оппозициялық партиясы парламентте 12 орынға ие. Алайда, басқа оппозициялық партиялар сияқты, олар да сайлауды заңсыз деп санайды және парламенттік қызметке қатысудан бас тартады. Дегенмен басқа партиялар сияты олар ресми түрде отставкаға кетуге өтініш бермеді.

Еске салсақ, 26 қазанда Грузияда парламенттік сайлау өтті. Биліктегі «Грузин арманы – демократиялық Грузия» партиясы парламенттік сайлауда 56,1% дауыс жинады.

Кейіннен Грузияның ОСК сайлауды бұрмалау туралы айыптауларды тергеуге шақырды.

Бұдан бөлек, Грузиядағы оппозиция сайлауды қайта өткізуді талап етіп, халық көшеге шықты.