Хоккей: «Барыс» елордада «Ак Барс» командасынан жеңілді
Екі команда да биылғы маусымды сәтсіз өткізіп келеді.
Турнир кестесінде отыз үш ойыннан кейін 30 ұпайға қол жеткізген «Барыс» 18-орында келеді. Ал отыз екі ойыннан кейін 32 ұпай жинаған «Ак Барс» 16-орынға тұр.
Сондықтан командалар үшін жеңіске жету өте қажет болатын. Олардың тарапынан жиі шабуылдар ұйымдастырылды.
Осындай сәттердің бірінде 3-минутта ресейлік клубтан Дмитрий Воронков есеп ашты. Бірінші кезеңде басқа гол соғылған жоқ.
Екінші кезеңде «Барыс» хоккейшісі Әлихан Әсетов таразы басын теңестірді.
Ал үшінші кезеңнің 45-минутында «Ак Барс» тағы да алға шықты. Оны Вячеслав Войнов өзінің еншісіне жазды.
Осылайша «Барыс» қарсыласына 1:2 есебімен жол берді.
Енді «Барыс» алдағы ойынын 25 қарашада елордада Ресейдің «Спартак» (Мәскеу) командасына қарсы өткізеді.
Еске салсақ, бұдан бұрын «Барыс» елордада «Салават Юлаевтан» басым түсті.
Фото: sports.kz