Хоккей: «Барыс» елордада «Авангардқа» есе жіберді

НҰР-СҰЛТАН. ҚазАқпарат - Елордалық «Барыс» Құрлықтық хоккей лигасындағы кезекті ойынын елордада Ресейдің «Авангард» (Омбы) клубына қарсы өткізді, деп хабарлайды ҚазАқпарат тілшісі.

Екі команда 15 қыркүйекте елордада бір ойын өткізді. Аталған кездесуде «Барыс» қарсыласын 5:3 есебімен тізе бүктірген еді.

Сондықтан «Авангард» хоккейшілері бүгінгі ойында жеңіске жетуге бар күшін салды. Нәтижесінде олардың қатарынан Александр Дергачёв 8, Сергей Толчинский 17-минутта мергендік танытты. Бұдан кейін «Барыс» сапынан Егор Петухов есеп айырмасын қысқартқан еді.

Екінші кезеңде ресейлік клубтан Рид Буше 18, Семён Чистяков 23, Алексей Береглазов 25, Алексей Береглазов 33-минуттарда көздеген нысанадан мүлт кеткен жоқ.

Үшінші кезең басталған сәттен елордалық команда алға қарай ұмтылды. «Барыс» сапынан Линден Вей 41-минутта есеп айырмасын қысқартуға тырысты.

Осылайша елордалық клуб қарсыласына 2:5 есебімен есе жіберіп қойды.

Енді «Барыс» 18 қыркүйекте елордада Ресейдің «Сибирь» (Новосибирск) командасын қабылдайды.