IІМ жүйесінде кезекті кадрлық тағайындаулар болды

НҰР-СҰЛТАН. ҚазАқпарат - ҚР Ішкі істер министрлігінің басшылығы орталық аппарат және облыстық полиция қызметтерінің басшылары лауазымдарына кандидаттарды зерделеді, – деп хабарлайды Polisia.kz сайты.

Министр Марат Ахметжанов пен оның орынбасарлары үміткерлердің қызметтегі жетістіктерін, кәсібилігі мен жеке қасиеттерін талқылады.

Ішкі істер министрінің бұйрығы бойынша:

– ІІМ Ұйымдасқан қылмысқа қарсы күрес департаменті бастығының міндетін атқарушы лауазымына Қанат Нұрмағамбетов;

– ІІМ Ұйымдасқан қылмысқа қарсы күрес департаменті бастығының орынбасары лауазымына Олег Цой;

– ІІМ Ішкі аудит департаменті бастығының орынбасары лауазымына Байболат Майтанов;

– Шымкент қаласы Полиция департаменті бастығының орынбасары лауазымына Ермахан Абдраманов;

– Түркістан қаласы Полиция басқармасының бастығы қызметіне Бауыржан Жанаев тағайындалды.

Фото: polisia.kz