Ирак ираншыл топ бақылайтын аймаққа әскер кіргізді
АСТАНА. KAZINFORM — Заңсыз мұнай саудасына қатысты тергеу жүріп жатқан тұста Ирак билігі мен ықпалды ираншыл топтар арасындағы қақтығыс ушығып кетті, деп хабарлайды Kazinform агенттігінің Таяу Шығыстағы меншікті тілшісі.
Ирак үкіметі мен шииттік «Катаиб Хезболла» қарулы тобы Бағдаттан шамамен 50 шақырым оңтүстікте орналасқан Бабил провинциясының Джурф әл-Сахр ауданына федералды қауіпсіздік күштерін орналастыру туралы келісімге келді.
Reuters агенттігінің хабарлауынша, екі тарап арасындағы шиеленіс күшейген тұста бұл келісімге ықпалды шиит саясаткерлері араағайын болған.
Келісімге сәйкес, «Катаиб Хезболла» бөлімшелері аумақты бақылауды федералды қауіпсіздік күштеріне беріп, елдің басқа аймақтарына қайта орналасады.
INA хабарлауынша, Ирак күштері жұма күні таңертең Джурф әл-Сахрға (ауызша Джурф әс-Наср деп те аталады) орналастырыла бастады.
#BREAKING: Iraqi forces entered the town of Jurf al-Sakhr, also known as Jurf al-Nasr, a Kata'ib Hezbollah stronghold since 2014, Rudaw's Ziyad Ismail reported. https://t.co/7dDepGqvSy
— Rudaw English (@RudawEnglish) November 20, 2026
Ауданда армия, федералды полиция, Халықтық мобилизация күштері және энергетикалық инфрақұрылымды қорғау бөлімшелерінің өкілдерінен тұратын бірлескен қолбасшылық штабы құрылды.
Қақтығыс «Катаиб Хезболлаға» заңсыз мұнай саудасын ұйымдастырды деген айыптаулардан туындады. Ирак билігінің мәліметінше, жүздеген миллион долларлық мемлекеттік мұнай осы топ бақылайтын аумақ арқылы басқа жаққа аударылған.
Бұған дейін Ирак премьер-министрі Әли әз-Зәиди аймаққа үкіметтің бақылауын қалпына келтіру үшін әскери операцияға дайындық жүргізуді бұйырған.
أصدر رئيس مجلس الوزراء، القائد العام للقوات المسلحة السيد علي فالح الزيدي، اليوم الخميس، حزمة من التوجيهات المهمة تخص عمل المقر المسيطر في ناحية جرف النصر، وذلك خلال استقبال سيادته قائد المقر ونائبه، بحضور السيدين وزير الداخلية ومدير مكتب القائد العام للقوات المسلحة . وتضمنت التوجيهات الإسراع بفتح جميع الطرق المغلقة في ناحية جرف النصر، والتشديد على أن الجيش العراقي والقوات الأمنية الأخرى ستفرض هيبة الدولة على جميع الارض العراقية، وفقا للدستور والقانون. وأكد سيادته عمل الحكومة على حماية ارواح ومصالح المواطنين في أي منطقة من مناطق البلد، ومنع اي حالة للتجاوز والاعتداء على الحقوق العامة والخاصة، مشيراً إلى أن قواتنا الأمنية هي بمثابة جسد واحد وتتكامل في عملها باختلاف الصنوف والتشكيلات.
— المكتب الإعلامي لرئيس الوزراء 🇮🇶 (@IraqiPMO) November 19, 2026
Тергеу нәтижесінде қауіпсіздік және мұнай министрліктеріндегі тоғыз жоғары лауазымды шенеунік қызметінен босатылды.
Сонымен қатар, «Катаиб Хезболла» мұнай контрабандасымен байланысты деген айыптауларды жоққа шығарып, бастапқыда өз бөлімшелерін шығарудан бас тартқан.
Қарулы қақтығыстардың алдын алу үшін Иранның Ислам революциясы сақшылар корпусының «әл-Құдс» күштерінің қолбасшысы Исмаил Каани Бағдадқа келді. Ол топтың басшылығымен және ықпалды ирактық саясаткерлермен кеңес өткізді. Келіссөздерден кейін тараптар оң нәтижелер туралы хабарлады.
Iraq: After more than a decade of exercising near-exclusive control over Jurf al-Sakhr, Iran-aligned paramilitary group Kata’ib Hezbollah – one of Iraq’s most powerful factions – appears to be retreating from a confrontation with the Iraqi government as a combination of weakening Iranian regional influence, mounting political isolation, oil-smuggling allegations and pressure from Baghdad threatens its longstanding grip on the strategic town. https://t.co/RX5IMD7yTv
— Wladimir van Wilgenburg (@vvanwilgenburg) November 20, 2026
«Катаиб Хезболла» Ирактағы ең ықпалды ираншыл қарулы топтардың бірі. Оның бөлімшелері ресми түрде премьер-министрге бағынатын, мемлекет қаржыландыратын әскерилендірілген топ болып табылатын Халықтық мобилизация күштерінің құрамына кіреді.
Сонымен қатар, топ айтарлықтай автономияны сақтайды және орталық үкіметтің шешімдерімен бірнеше рет қақтығысқан.
БАҚ хабарламаларына сәйкес, Джурф әс-Сахрдың айналасындағы жағдай Ирак үкіметінің мемлекеттік қауіпсіздік күштерінің құрамына кірсе де, Иранмен тығыз байланыста болатын қарулы топтарға бақылау орнату мүмкіндігін зор сынақтан өткізіп отыр.
Еске сала кетейік, өткен айдың басында АҚШ Ирактағы ДАИШ-ке қарсы миссиясын аяқтағаны хабарланған.
Kazinform АҚШ әскері кеткеннен кейінгі Ирактағы жағдайға сараптама жасаған еді.
Бейрутте Ирак парламентінің бұрынғы депутатының мәйіті табылды.