Иран президенттігіне алғашқы әйел үміткер ретінде тіркелді
АСТАНА. KAZINFORM — Иранның бұрынғы депутаты, ғалым Зохре Элахиан президент Ибрахим Раиси ұшақ апатынан қайтыс болғаннан кейін белгіленген кезектен тыс президент сайлауына үміткер ретінде тіркелген алғашқы әйел болды. Бұл жайында Mehr агенттігінен хабарланды.
— Ислам Иран аспанынан үміт нұры көрінді. Өз елімнің әйелдер қоғамының өкілі ретінде сайлау кеңсесіне құжаттарды тапсырдым, — деп жазды Элахиан өзінің X парақшасында.
Үш күнде президент сайлауына қатысуға 17 адам өтініш білдірген.
Олардың арасында парламенттің бұрынғы басшысы Әли Лариджани, Орталық банктің бұрынғы басшысы Абдул Насыр Хеммати, Ислам революциясы Сақшылар корпусының бұрынғы қолбасшысы генерал Вахид Хагганян, Тегеран мэрі Алиреза Закани және Иранның рухани жетекшісі Аятолланың Ұлттық қауіпсіздік Жоғары кеңесіндегі өкілі Саид Джалили бар.
Иран парламентінің қазіргі алты мүшесі және бұрынғы бес мүшесі де сайлауға түскісі келетінін білдірген.
Үміткерлерді тіркеу 30 мамырда басталып, 3 маусымға дейін жалғасады.
First female candidate enters #Iran's presidential election race
— Iran’s Today (@Iran) June 1, 2024
Former Iranian lawmaker Zohre Elahian registered as a possible candidate in the Islamic Republic’s June 28 presidential election on Saturday.
Iranian politicians Masoud Pezeshkian, Alireza Zakani, Seyyed Ahmad… pic.twitter.com/bYycLzyXgA
4 маусымнан бастап Конституцияны сақтаушылар кеңесі кандидаттарды бір апта бойы қарап, кандидаттың ел президенті лауазымына сай келетін-келмейтінін анықтайды.
Соңғы тізім 11 маусымда жарияланады.
Сайлау науқаны екі аптаға — 12 маусымнан 26 маусымға дейін жалғасады.
Сайлауға бір күн қалғанда «үнсіздік күні» жарияланады, бұл уақытта үгіт-насихат жұмысын жүргізуге тыйым салынады.
Президент сайлауы 28 маусымда өтеді. Екінші тур қажет болған жағдайда 5 шілдеге белгіленеді.
31 мамырда Иранның сайлауалды штабының өкілі Мохсин Ислами үш әйелдің «шартқа сай келмегені үшін» тіркелмегенін хабарлаған.
#BREAKING #Iran Zohre Elahian, the first woman to register for Iran’s snap presidential election following the death of President Ibrahim Raisi.
— The National Independent (@NationalIndNews) June 1, 2024
Footage: SNN pic.twitter.com/IBYboaoWqn
