Ішіп алып, дәмханада тәртіп бұзған ішкі істер қызметкеріне шара қолданылды - БҚО

ОРАЛ. 19 ақпан. ҚазАқпарат - Елбасы Ақордада құқық қорғау органдарының басшыларымен арнайы кеңес өткізген кезде тәртіп сақшысы деген абыройлы атаққа кір келтіргендерді тәртіпке шақыру туралы тапсырма берген болатын.
None
None

Осыған орай БҚО ІІД тәртіптік комиссиясының кеңейтілген отырысында Орал қалалық ішкі істер бас­қар­ма­сының аға инспекторы, полиция капитаны Тимур Жел­ді­бе­ковтің мәселесі қаралды.

Биылғы 10 ақ­пан күні түнгі сағат 22.00-де қаладағы «Жаным» дәмханасында ішімдікке тойып алған 30 жасар капитан есеп айырысудан бас тартып, жағаласуға дейін барған. Өзінің күштік құрылымда жұмыс істейтіндігін ашықтан-ашық мә­лімдеген. Қоңырау бойынша келіп жеткен өз әріптестеріне, оның ішінде басқарма бас­ты­ғының кадр жөніндегі орынбасары да бар топқа бағынбай, қарсылық көрсеткен. Ақыры, Т.Желдібековтің арынын күш қолдану арқылы ғана басу мүмкін болды. Арнайы сараптамада капитанның мастығы толық дәлелденді.

Кеңейтілген отырысқа қа­тысқан БҚО ІІД бастығының орынбасары, полиция полков­нигі Берік Өтеулин, «Нұр Отан» ХДП БҚО филиалы төр­аға­сының орынбасары Ақ­қа­ли Әубекеров және бас­қа да лауазымды тұлғалар Т.Жел­ді­бе­ков­тің бұл әрекеті полиция ор­ган­дарының беделін түсіруге бағытталғандығын бірауыздан атап өтті.

Отырыста Тимур Желдібеков қателік жасағанын, офицер атағына кір келтіретін әрекетке барғанын мойындады. Сөз сөйлеген әріптестері оның жұмысқа алғырлығын, оғаш мінезі болмағандығын және жастығын ескеріп, тәртіптік комиссия мүшелерінен Т.Желдібековті жазалаған кезде қызметтен шы­ғармауды сұрады. Кеңес мү­шелері ақылдаса келе, Тимур Желдібековті қазіргі лауазымынан, яғни Орал қалалық ІІБ 2-арнайы тобының аға инс­пекторы қызметінен босатуға ұйғарым жасады. Ал оның полиция қатарында қалу қалмауын енді БҚО ІІД бастығы шешетін болады.

Соңғы жаңалықтар