Испания миграциялық саясат реформасын мақұлдады

АСТАНА. KAZINFORM — Испания үкіметі солшыл күштер коалициясы жетекшілік ететін көші-қон саясатының реформасын мақұлдады. Ел билігі атап өткендей, ол еңбек нарығының қажеттілігін қанағаттандыруға бағытталған.

Euronews телеарнасының хабарлауынша, жаңа ережелер мигранттарды заңдастыру процесін жылдамдатып, қосымша еңбек құқықтарын қамтамасыз етеді.

Алдағы үш жылда 300 мыңға жуық заңсыз мигрант тұруға және жұмыс істеуге рұқсат алады.

— Үкім бұған дейін үш салаға жабылған жолды ашады: білім беру, жұмыспен қамту және отбасы, — деді Әлеуметтік қауіпсіздік және көші-қон министрі Эльма Саиз.

Испания үкіметі мемлекеттің әл-ауқатын сақтау үшін елге жылына 250 мыңға жуық тіркелген шетелдік жұмысшы қажет екенін айтады.

Бұған дейін реформа жобасын таныстырған премьер-министр Педро Санчес Испаниядағы бала туу көрсеткіші ЕО-дағы ең төменгі көрсеткіштердің бірі екенін атап өтті.

— Көші-қон — экономикалық өсімге қол жеткізудің және халықтың қартаюына қызмет көрсетудің бірден-бір нақты құралы, — деді ол. 

Ол соңғы онжылдықта Испанияға мигранттардың 94%-ы заңды түрде келгенін атап өтті: 40%-ы Латын Америкасынан, 30%-ы Еуропаның басқа бөліктерінен және 20%-ы Африкадан.

Бұған дейін Испанияда су тасқыны құрбандарының саны 223-ке жеткені белгілі болды.