Қазақстан азаматы халықаралық террористік ұйым қызметіне қатысы бар деген күдікпен ұсталды

АСТАНА. KAZINFORM – Қазақстан азаматы халықаралық террористік ұйым қызметіне қатысы бар деген күдікпен ұсталып, Астана қаласына жеткізілді. Бұл туралы ҰҚК баспасөз қызметі хабарлады.

Ведомство мәліметінше, күдікті 2025 жылғы 10 тамызда Таяу Шығыс елдерінің бірінде ұсталған. Ол Ұлттық қауіпсіздік комитеті қызметкерлерінің сүйемелдеуімен Қазақстанға жеткізілді.

- Қазіргі уақытта оған қатысты ҚР Қылмыстық кодексінің 257-бабы бойынша қылмыстық іс тергелуде. Күдікті сот санкциясымен қамауға алынды. Тергеу амалдары жүргізіліп жатыр, - делінген ақпаратта.

ҚР Қылмыстық-процестік кодексінің 201-бабы 1-бөлігіне сәйкес өзге ақпарат жария етуге жатпайды.

Айта кетейік, бұған дейін ҰҚК Шекара қызметінің экс-басшысы Дархан Ділманов бостандыққа шыққаны хабарланды.