Қазақстан азаматы криптовалюта бопсалады деген күдікке ілінді
АСТАНА. KAZINFORM – Ұлттық қауіпсіздік комитеті шілде айында Алматы қаласында шетелдік әріптестерімен бірлесіп, киберқылмыс жасады деген күдікпен Қазақстан азаматын ұстады. Бұл туралы ведомствоның баспасөз қызметі хабарлады.
Тергеу материалдарына сәйкес, күдікті шетелдік компаниялардың серверлеріне заңсыз қол жеткізіп, компьютерлік деректерді шифрлайтын зиянды бағдарламалар орнатқан. Кейін зардап шеккен тараптардан деректерді қалпына келтіру үшін криптовалюта түрінде төлем талап еткен.
- Тінту барысында кибершабуылдарды жасау үшін қолданылған заттай айғақтар тәркіленді.
Қылмыстық-процестік кодекстің 201-бабының 1-бөлігіне сәйкес өзге ақпараттар жария етуге жатпайды, - деп түсіндірді ҰҚК баспасөз қызметінен.
Айта кетейік, Қазақстанның қаржы нарығында криптовалюта айырбастайтын ойыншылар пайда болады.
