Қазақстан мен Аустрия дипломатиялық паспорт иелерін визалық талаптардан босатпақ

АСТАНА. KAZINFORM – Ашық НҚА порталында Қазақстан мен Аустрия Федералды Үкіметтері арасындағы дипломатиялық паспорттардың иелерін визалық талаптардан босату туралы келісім жобасы жарияланды.

Келісім рәсімделгеннен кейін Қазақстан Республикасының азаматтары - қолданыстағы дипломатиялық паспорттардың иелері Аустрия Республикасының аумағына визасыз кіре алады және онда 180 (жүз сексен) күн мерзімі ішінде 90 (тоқсан) күнге дейін бола алады. Аустриялық дипломатиялық паспорт иелеріне де дәл осындай мүмкіндік беріледі.

Қазақстан Республикасының мен Аустрия Республикасының қолданыстағы дипломатиялық паспорттарының иелері жауапты иммиграциялық билік орындары айқындаған өткізу пункттері арқылы екінші тараптың аумағына кіріп-шыға алады. Сонымен қатар оларға қауіпсіздік иммиграциялық, кедендік, медициналық және басқа да құқықтық нормалармен байланысты және осындай қолданыстағы паспорттардың иелеріне заңды түрде қолданылатын шектеулерден өзге қандай да бір шектеулер қойылмайды.

Келісім жоба 6 наурызға дейін қоғамдық талқылауға шығарылып отыр.

Бұған дейін Kazinform тілшісі Қазақстан төлқұжатының қауқарын саралап, қай елмен қатынаста кәдеге жарайтынын зерттеп көрген еді.