Қазақстан хуситтердің Сауд Арабиясындағы шабуылдарын қатаң айыптады
АСТАНА. KAZINFORM — Қазақстан Республикасының Сыртқы істер министрлігі хусит жасақтарының Сауд Арабиясындағы азаматтық инфрақұрылым нысандарына жасаған, адам шығынына әкеп соққан шабуылдарын қатаң айыптады.
Ведомствоның мәлімдеуінше, мұндай шабуылдарға гуманитарлық тұрғыдан жол беруге болмайды және олар халықаралық құқық нормаларын бұзады.
Министрлік бұл әрекеттер Йемендегі ахуалды тұрақтандыру жөніндегі күш-жігерге нұқсан келтіріп, қақтығысты саяси жолмен реттеуге кедергі келтіретінін атап өтті.
— Шабуылдарды дереу тоқтатуға және дағдарысты тек саяси-дипломатиялық құралдар арқылы шешуге шақырамыз, — делінген мәлімдемеде.
Сондай-ақ Қазақстан Сауд Арабиясымен ынтымақтастығын растап, Корольдіктің БҰҰ Жарғысына сәйкес өз егемендігі мен қауіпсіздігін қорғауға құқылы екенін мәлімдеді.
Еске салайық, бұған дейін Қазақстан Сыртқы істер министрлігі хуситтердің Эр-Рияд әуежайына жасаған шабуылынан кейін зардап шеккендер арасында ел азаматтарының бар-жоғын тексеріп жатқаны хабарланғанбыз.
Алдын ала мәлімет бойынша, қаза тапқандар мен жараланғандардың арасында Қазақстан азаматтары жоқ.
