Қазақстанда стенд атудан әлем кубогының кезеңі өтеді

АСТАНА.KAZINFORM - Жарыс Алматы облысында Александр Асанов атындағы ату клубында ұйымдастырылады.

ҚР ҰОК мәліметінше, әлем кубогының кезеңіне әлемнің 70 елінен 500-ден астам спортшы қатысады.

Турнирде «трап», «скит» дисциплиналары бойынша және аралас командалар арасындағы сайыста сегіз медаль жиынтығы сарапқа салынады.

Әлем кубогының кезеңі 2-11 мамыр аралығында өтеді.

Айта кетейік, конькимен жүгіруден 2026 жылғы әлем чемпионатына қатысатын спортшылар белгілі болды.

Қазақстан тарихында алғаш рет семсерлесуден шпага бойынша әлем кубогы кезеңі өтпек. Халықаралық дода 26-29 наурыз күндері Астанадағы QAZAQSTAN жеңіл атлетика спорт кешенінде ұйымдастырылады.