Қазақстанда тоғыз айда 7 жаңа қазандық пайдалануға берілді
АСТАНА. KAZINFORM — Қаңтар-қыркүйек айларында Қазақстанда жалпы қуаты 56 Гкал/сағ болатын 7 қазандық пайдалануға берілді. Бұл туралы Ұлттық статистика бюросы мәлім етті.
Оның ішінде Ақмола және Алматы облыстарында екі қазандықтан, Қарағанды және Түркістан облыстарында бір-бір қазандықтан іске қосылды.
Абай облысында қуаты 23,5 Гкал/сағ болатын ең қуатты қазандық пайдалануға берілді.
Аталған жылумен жабдықтау нысандарының жалпы құны 8,6 млрд теңгені құрады.
Еске сала кетейік, бұған дейін елімізде өткен жылыту маусымында тұрғын үйлерде 3 359 өрт тіркеліп, 175 адам қаза тапқанын жаздық.
Энергетика министрлігі биыл 9 энергоблок пен 55 қазандыққа күрделі жөндеу жүргізілетінін хабарлаған еді.
