Қазақстандық биржа халықаралық рейтингте жоғары бағаланды

АСТАНА. KAZINFORM — Қазақстандық тауар биржасы S& P Global халықаралық рейтинг агенттігінен корпоративтік тұрақтылықтың кезекті бағасын алды.

Биылғы бағалау қорытындысы бойынша «Каспий» тауар биржасы» АҚ 100 балдық шкала бойынша 60 балл алып, өз көрсеткішін 19 балға жақсартты.

Жаһандық қаржы компаниялары арасында компания 95-процентильді иеленді, S& P скорингіне қатысқан сала қатысушыларының 95%-ы бұдан төмен балл алды.

Бұл ретте тауар биржасының бизнесті жауапты және әдепті жүргізуге, экологиялық, әлеуметтік және басқарушылық орнықтылық қағидаттарын сақтауға, БҰҰ-ның орнықты даму мақсаттарына корпоративтік үлесін кеңейтуге бейілділігін растайды.

Айта кетейік, Fitch Қазақстанның тәуелсіз кредиттік рейтингін BBB деңгейінде растады.