Қазір түн болса да бәрі далада жүр — Жер сілкінген Таиландтағы қазақстандық

АСТАНА. KAZINFORM — Бүгін Қазақстаннан бөлек Таиландта да жер сілкінісі болды. Мұнда магнитудасы 8 баллға дейін жеткен.  Зілзала ошағы Мьянмада анықталған. 

«Jibek Joly» телеарнасы ахуалды білу үшін сол жақтағы отандастырымызға хабарласқан.

Таиландағы қазақстандықтардың бірі — Даур Иманмадиров. Оның сөзінше, зілзала күндізгі бірлерде басталып, үшке таман тоқтады

— Жер сілкінісі басталғанда басым айналып отырып қалдым. Не болғанын өзіміз түсінбей қалды. Бірақ дер кезінде далаға шығып үлгердік. Зілзала күндізгі бірлерде басталып, үшке таман тоқтады. Адамдар үйге кіруге қорқып қалды. Қазір түн болса да бәрі далада жүр, — деді Иманмадиров.

Еске салсақ, бүгін Мьянмада 7,9 балдық жер сілкінісі тіркелгенін жазған едік.

СІМ Таиландтағы жер сілкінісінен зардап шеккен қазақстандықтарға қатысты ақпаратты таратты.

Қазір Мьянмада төтенше жағдай жарияланды. Бұған дейін Мьянмадағы жер сілкінісінен 50 адам қаза тауып, 300 адам жарақат алғаны хабарланды. Дегенмен соңғы деректерге сәйкес опат болғандардың саны 144-ке жеткен.