ҚХЛ: «Барыс» «Амур» командасына есе жіберді

АСТАНА. KAZINFORM - Қазақстандық «Барыс» командасы бүгін, яғни 2 ақпанда Құрлықтық хоккей лигасындағы кезекті ойынын елордада Ресейдің «Амур» (Хабаровск) командасына қарсы өткізді.

Хоккей Барыс - Сибирь Новосибирск
Фото: Виктор Федюнин / Kazinform

Елордалық команданың он бір ойыншысы Қазақстан ұлттық құрамасы сапында Қысқы Азия ойындарына аттанып кетті. Соның салдарынан олар соңғы екі кездесуде негізінен жастарға үміт артып отыр.

Бүгінгі кездесу барысында да қазақстандық команда ресейлік ұжымға лайықты қарсылық көрсете алған жоқ. Өз қақпасына жауапсыз бес гол жіберіп, турнир кестесіндегі жағдайын одан әрі қиындатып алды.

Кездесуде ресейлік клубтан Иван Мищенко 13, Владислав Барулин 17, 37, Артур Гиздатуллин 38, Девин Броссо 39-минутта мергендік танытты.

Осылайша «Барыс» қарсыласына 0:5 есебімен есе жіберді.

Еске салсақ, бұдан бұрын «Барыс» түзде «Авангардтан» жеңіліп қалды.

Енді елордалық клуб 4 ақпанда «Адмирал» (Владивосток) командасымен шеберлік байқасады.

Соңғы жаңалықтар