ҚХЛ: «Барыс» алғашқы кездесуінде минскілік «Динамоға» есе жіберді
Бұл жолы сырт айдында Беларусьтің «Динамо» (Минск) командасымен шеберлік байқасты.
Кездесуді беларусьтік команда белсенді бастады. Нәтижесінде олардың қатарынан Дмитрий Соколов 8, Ник Меркли 21-минутта мергендігімен көзге түсті.
Екінші кезеңнің 36-минутында «Барыс» хоккейшісі Антон Сагадеев есеп айырмасын қысқартты. Ол 41-минутта таразы басын теңестірді.
Кездесудің 46-минутында қазақстандық Әділ Бекетаев елордалық клубты алға шығарды. Ал 58-минутта «Динамо» хоккейшісі Брэндон Козун көздеген нысанадан мүлт кеткен жоқ.
Осылайша екі команда негізгі кезеңде 3:3 есебіне қанағат білдіріп, ойын овертаймға ұласты. Овертмайда да жеңімпаз анықталған жоқ. Буллитте «Динамоның» жолы болды.
Енді «Барыс» 5 қыркүйекте СКА (Санкт-Петербург) командасымен кездеседі. Одан кейін 7 қыркүйекте «Витязь» (Подольск), 9 қыркүйекте «Сочи» командаларымен айдынға шығады.
Ал елордада 13 қыркүйекте «Трактор» (Челябинск) командасын қабылдайды.
Еске салсақ, екі команда бұған дейін 27 мәрте кездесті. Оның 15-і «Барыстың» басымдығымен аяқталса, қалғанында қарсыласына есе жіберді.
Еске салсақ, бұдан бұрын «Барыс» шайбалы хоккейден Қазақстан Президенті кубогының иегері атанды.