Қырғыз-Қытай шекарасында түнде жер сілкінісі тіркелді

АСТАНА. KAZINFORM – 10 қаңтар күні сағат 23:48-де Қырғыз-Қытай шекарасына жақын жерде эпицентрінде магнитудасы 4,5 балдық жер сілкінісі тіркелді, деп хабарлайды Kazinform Кабар ақпарат агенттігіне сілтеме жасап.

Қырғыз Республикасы Ұлттық ғылым академиясының Сейсмология институтының мәліметінше, зілзала ошағы Қытай аумағында, Бедел ауылынан оңтүстік-шығысқа қарай 53 шақырым, Ақ-Шыйрақ ауылынан оңтүстік-шығысқа қарай 57 шақырым, Құмтөр кенішінен оңтүстік-шығысқа қарай 95 шақырым, Қаракөл қаласынан оңтүстік-шығысқа қарай 130 шақырым жерде жатыр.

Қырғыз Республикасының елді мекендерінде жер сілкінісінің күші Бедел ауылында 3 балл шамасында болды.

Осыған дейін 8 қаңтар күні Қытайдың солтүстік батысындағы Цинхай провинциясында 5,5 балдық жер сілкінісі болғанын хабарлаған едік.