Қырғызстандағы жер сілкінісі Қазақстанның үш аумағында сезілді

АСТАНА. KAZINFORM — 5 тамызда Астана уақытымен 18:44-де Қырғызстан аумағында жер сілкінісі тіркелді, деп хабарлайды ҚР Төтенше жағдайлар министрлігі.

Жерасты дүмпуінің ошағы Алматы қаласынан оңтүстік-батысқа қарай 408 шақырым қашықтықта орналасқан. Жер сілкінісінің энергетикалық класы — 13.1, магнитудасы MPV 5.9 құрады.

Есептік қарқындылығы Жамбыл және Түркістан облыстарының, сондай-ақ Шымкент қаласының бірнеше елді мекенінде 2 балл деңгейінде сезілген:

Жамбыл облысы: Меркі, Құлан, Сарыкемер, Бауыржан Момышұлы, Аса, Қордай, Қаратау, Төле би ауылдары мен Тараз, Шу қалалары;

Түркістан облысы: Тұрар Рысқұлов (Түлкібас ауданы), Ленгір, Манкент, Сайрам, Ақсукент, Қазығұрт, Сарыағаш, Абай (Келес ауданы), Темірлан (Ордабасы ауданы);

Шымкент қаласы — 2 балл, 279 км қашықтықта.

Қирау немесе зардап шеккендер туралы ақпарат түскен жоқ.

Айта кетейік, бұған дейін жер сілкінісінен кейін Камчатканың бір бөлігі шамамен 2 метрге жылжығаны хабарланды.